Трэці брамнік «ПСЖ» Рыка ў рэанімацыі з кровазліццём у мозг пасля няшчаснага выпадку з канём

Брамнік «ПСЖ» Серхіа Рыка знаходзіцца ў рэанімацыі пасля інцыдэнту, які здарыўся з ім падчас коннай прагулкі.

Брамнік, разам з жонкай і некалькімі сябрамі, катаўся на конях у вёсцы Эль Росіа ў Іспаніі. Падчас прагулкі конь гульца сутыкнуўся з іншым канём, у выніку чаго футбаліст упаў на зямлю, дзе атрымаў удар капытом у галаву.

COPE апісвае стан Рыка як «вельмі сур’ёзны», праз некаторы час пасля інцыдэнту ў гульца адбылося кровазліццё ў мозг.