Румбуціс пра выступ белклубаў у 1-м раўндзе ЛЧ і ЛК: «Нарэшце ніхто не прайграў. Апошнія два гады набіралі столькі ж балаў, колькі Гібралтар»

Былы трэнер маладзёжнай зборнай Беларусі Людас Румбуціс выказаўся аб выніках беларускіх клубаў у першых матчах 1-га адборачнага раунда Лігі чэмпіёнаў і Лігі канферэнцый.

«Ніхто не прайграў. Нарэшце маем такі вынік, а то апошнія два гады набіралі столькі ж балаў, колькі Гібралтар. Цешыць і тое, што згулялі даволі нядрэнна: і БАТЭ, і «Дынама». Канцоўку я ўжо апускаю.

А «Нёман» наогул выдаў гульню на любата. Сапернік нібыта з Ліхтэнштэйна, але летась яны «Каньяспор» абыгралі, які выбіў БАТЭ, таму гэта не такая простая каманда. Вынікі першага тура радуюць, пакуль у нас нядрэнна ўсё», – сказаў Румбуціс.

Адзначым, што ў сезонах 2020/21, 2021/22 і 2022/23 Гібралтар набіраў 1.666, 1.250 і 0.875 балаў адпаведна. У той час як у Беларусі ў гэтых жа сезонах 1.500, 0.250 і 0.625 пунктаў. Клуб з Гібралтару «Лінкольн» у сезоне 2021/22 выходзіў у групу Лігі канферэнцый.