Канстанцін Рудзянок: «Вадуц» гуляў у вельмі зручны для нас футбол. Да «Бальцана» ў першым матчы нам трэба будзе крыху прыгледзецца»
Брамнік «Нёмана» Канстанцін Рудзянок параўнаў супернікаў гродзенскага клуба ў кваліфікацыі Лігі канферэнцый.
Нагадаем, у першым кваліфікацыйным раундзе «Нёман» прайшоў ліхтэнштэйнскі «Вадуц» (2:1, 1:1), а ў другім згуляе з мальтыйскім «Бальцанам».
– Відэаразбору [«Бальцана»] яшчэ не было. Нам проста абазначылі моцныя і слабыя бакі саперніка. Па складзе прайшліся, па тым, як яны гуляюць. Заўтра ўжо паглядзім больш прадметна.
Мы абмяркоўвалі два матчы «Бальцана» з «Дамжале». Абодва адрозніваюцца адзін ад аднаго. У другім матчы футбалісты «Бальцана», зыходзячы з выніку першага, крыху змянілі сваю гульню.
Для сябе я прымеціў, што «Вадуц» гуляў у вельмі зручны для нас футбол. Асабліва на сваёй палове поля. Яны доўга кантралявалі мяч, спрабавалі праз кароткі пас выходзіць. І за рахунак гэтага мы паспявалі іх накрываць. У нас былі невялікія праблемы, калі яны пераходзілі на нашу палову поля, але на іх палове мы выглядалі самавіта. І нам гэты футбол вельмі пасаваў. Гэта асабліва маё меркаванне.
«Бальцан», наколькі нам патлумачылі, адрозніваецца сваёй гульнёй [ад «Вадуца]. У іх больш прагматычны футбол, спрошчаны, сілавы. У першым матчы нам трэба будзе крыху прыгледзецца, падстроіцца і зразумець, як дзейнічаць, – сказаў Рудзянок.