Гулец БАТЭ Малькевіч: «У Мезекевешдзе забаў асаблівых няма, толькі крамы. Але па надвор'і значна лягчэй, чым у Албаніі»

Абаронца БАТЭ Уладзіслаў Малькевіч расказаў пра атмасферу ў камандзе пасля першага раунда кваліфікацыі Лігі чэмпіёнаў і пра падрыхтоўку да матчу з «Арисом» у другім раундзе.

– Перамога над чэмпіёнам Албаніі напэўна забяспечыла добры настрой пры падрыхтоўцы да бліжэйшага матчу...

– Натуральна, гэта дадало станоўчых эмоцый, у камандзе суператмасфера. Будзем спадзявацца, што гэты зарад пазітыву дапаможа нам у гульні з «Арыс».

– Умовы ў Мезекевешдзе гэтаму таксама спрыяюць?

– Тут гарачэй, чым у Беларусі. Але ў любым выпадку ў Вугоршчыне значна лягчэй, чым у той жа Албаніі. На кантрасце надвор'е здаецца куды больш камфортным. У плане ўмоў таксама ўсё радуе. Выдатная база, шмат натуральных і штучных палёў, трэнажорныя залы – усё на вышэйшым узроўні. Гэта не можа не ўнесці свой уклад у падрыхтоўку да гульні.

– Вольны час бавіце таксама на базе?

– У асноўным так. У кожнага свой вольны час: нехта кнігу чытае, нехта гуляе ў PlayStation. Выбіраліся прагуляцца па горадзе, але ён невялікі – забаў асаблівых няма, мабыць, толькі крамы, – сказаў Малькевіч.