Кіраўнік федэрацыя футбола Іспаніі пры ўзнагароджанні пацалаваў у вусны футбалістку зборнай, якая перамагла ў ЧС
20 жніўня зборная Іспаніі перамагла англічанак (1:0) у фінале чэмпіянату свету сярод жанчын.
На цырымоніі ўзнагароджання прэзідэнт федэрацыі футбола Іспаніі Луіс Рубіалес пры ўручэнні залатога медаля пацалаваў у вусны іспанскую паўабаронцу Джэніфер Эрмоса.
Пазней футбалістка пракаментавала інцыдэнт, які адбыўся:
– Гэта быў зусім спантанны ўзаемны жэст з-за вялізнай радасці ад перамогі на чэмпіянаце свету. У нас з прэзідэнтам выдатныя адносіны, яго паводзіны былі натуральным жэстам прыхільнасці і падзякі, – сказала Эрмаса.
Сам прэзідэнт федэрацыі таксама выказаўся наконт сітуацыі:
– Пацалунак з Джэні? Паўсюль ёсць ідыёты. Калі паміж двума людзьмі ўзнікае момант спантаннага яднання без вялікай падаплёкі, мы не можам слухаць глупства. Мы чэмпіёны, і гэта галоўнае, – падзяліўся Рубіялес.
У інтэрнэце, аднак, учынак кіраўніка федэрацыі футбола Іспаніі падвергся крытыцы з боку як заўзятараў, так і журналістаў.