Футбалістка зборнай Іспаніі, якую пацалаваў прэзідэнт федэрацыі футбола Іспаніі, падала асабістую скаргу ў пракуратуру на гэты інцыдэнт
Футбалістка зборнай Іспаніі Джэніфер Эрмоса асабіста аформіла ў Генеральнай пракуратуры Іспаніі скаргу на дзеянні прэзідэнта федэрацыі футбола Іспаніі Луіса Рубіялеса падчас фіналу жаночага ЧС і ўжо дае там паказанні, паведамляе El Diario.
Па дадзеных крыніцы, заява Эрмоса з'яўляецца важнай умовай для таго, каб справу маглі перадаць у Нацыянальны суд Іспаніі.
Нацыянальная пракуратура адкрыла следчую вытворчасць 28 жніўня. Пракурор Марта Дурантэз прапанавала спартсменцы далучыцца да працэдуры, аформіўшы публічную скаргу.
Эрмоса мела магчымасць адправіць ліст, але вырашыла зрабіць гэта асабіста. Адзначаецца, што прычынай таго, што заява была зроблена ў штаб-кватэры Генеральнай пракуратуры, а не ў Нацыянальным судзе, было «захаванне канфідэнцыйнасці».
Нагадаем, ФІФА часова адхіліла Рубіялеса ад пасады на 90 дзён. Луіс пацалаваў футбалістку зборнай Іспаніі Джэніфер Эрмоса на цырымоніі ўзнагароджання пасля фіналу жаночага чэмпіянату свету. Пасля таго інцыдэнту ў Іспаніі выліўся гучны скандал.
УЕФА вырашыла не ўмешвацца ў справу Рубіялеса пасля таго, як генеральны сакратар Федэрацыі футбола Іспаніі Андрэу Кампс накіраваў ім ліст з просьбай абараніць Луіса.
