Аўтар «Прэсбола» Лабандыеўскі пра пройгрыш Беларусі U-21 Фарэрам: «Упершыню мы начыста задушылі суперніка, колькі разоў нам не шанцавала»

Аўтар «Прэсбола» Канстанцін Лабандыеўскі пракаментаваў паражэнне маладзёжнай зборнай Беларусі ад аднагодкаў з Фарэрскіх астравоў (2:3) у кваліфікацыі на Еўра-2025.

«Ох, а колькі разоў нам не пашанцавала ў гэтай сустрэчы! Чатыры разы мяч трапляў у каркас, прычым з забойных пазіцый. Наогул з пункта гледжання гульні ў нападзе паядынак з фарэрцамі – адзін з найлепшых для гэтай «маладзёжкі». Упершыню мы начыста задушылі саперніка.

Практычна паўгадзіны мы віселі на варотах фарэрцаў, і здавалася, нейкага іншага зыходу пры такой перавазе быць не павінна. Аднак першая ж асэнсаваная вылазка гасцей стала цэбарам халоднай вады.

А ўжо ў другім тайме мы ўпэўніліся, што гэта была не такая ўжо выпадковасць. Фарэрцы сапраўды ўмеюць гуляць на контратаках. Бруні і Нільсэн арганізавалі другі гол, а неўзабаве герой сустрэчы здзейсніў хет-трык шыкоўным далёкім ударам. Нашым жа зоркам атакі Карпіцкаму, Ложкіну, Баркоўскаму дзіка не шанцавала, хаця рабілі яны ўсё не так ужо дрэнна», – напісаў Лабандыеўскі.