Скрыпчанка пасля 2:1 над «Нёманам»: «Пры ліку 1:1 было трывожна. Супернiк прымусіў «Дынама» дзейнічаць без мяча»
Галоўны трэнер мінскага «Дынама» Вадзім Скрыпчанка падзяліўся меркаваннем аб матчы з «Нёманам» (2:1).
– Вельмі напружаны і цікавы для заўзятараў абедзвюх каманд матч. Добры антураж. Вельмі прыемна, што было шмат тых, хто падтрымліваў нас, ды і ў суперніка была вялізная падтрымка. У нейкай ступені ёсць задавальненне, што матч тура прайшоў у такой атмасферы і з такім выніковым лікам.
Калі казаць аб перыпетыях матча, то забілі ранні мяч. Бакіч падпільнаваў адскок ад брамніка. Пасля гэтага стратэгічная ініцыятыва была ў нас.
Саперніку прыйшлося раскрывацца. Мусіць, ён больш валодаў мячом. Але былі вострыя моманты ў нас і пасьля перапынку. Калі лік стаў 1:1, было трывожна.
Але добра, што хлопцы дадалі і правялі выдатную камбінацыю. Напружанне было сур'ёзным. Супернік дастойны. Гэта перамога над канкурэнтам ні пра што не гаворыць. Наперадзе дастаткова матчаў, і ўсё толькі пачынаецца. Хачу падзякаваць сваёй камандзе за самааддачу і адданым балельшчыкам.
– Супернік больш валодаў мячом. У гэтым заключалася ваша тактыка ці супернік папросту адабраў яго?
– Не буду тут арыгінальны. Натуральна, мы не планавалі аддаваць ініцыятыву. Але матч складаўся так, што супернік дзесьці нас прымусіў больш дзейнічаць без мяча.
– Што закліканы былі зрабіць вашыя замены?
– Замены – гэта заўсёды следства змен у гульні. Калі я бачу, што каманда трымае структуру і ніхто не асядае, рабіць замену дзеля замены сэнсу няма.
Таму хлопцы, якія знаходзіліся на полі, план выконвалі. Ну а затым – ужо чарада перастановак за кошт свежай крыві ўтрымаць малюнак гульні. Нам важна было адсоўваць гульню ад сваіх варот і шукаць свае шанцы ў контратакуючым стылі.
– Паліцевіч і Быкаў прапускалі гульню. Іх адсутнасць адчувалася?
– Вядома, калі мы губляем футбалістаў з-за траўмаў і дыскваліфікацый, мы засмучаныя. Увесь час кажу, што ў кожным матчы важны кожны гулец. Вось так здарылася, што хлопцы гульню прапускалі. Але ў нас добры кадравы рэсурс. Сваечасова падышоў у агульную групу Саша Сачыўка.
– У наступным туры вас чакае яшчэ адно сур'ёзнае супрацьстаянне – супраць салігорскага «Шахцёра». Якія думкі на гэты конт?
– У нас яшчэ пяць дзён на падрыхтоўку. Супернік вырашае свае задачы, мы – свае. Наша заключаецца ў тым, каб не здавольвацца тым, што абыгралі прамога канкурэнта. Далей матчы па напале будуць толькі складаней. Важна не губляць канцэнтрацыю і ніткі гульні, – сказаў Скрыпчанка.