Нікола Фаджолі: «Я думаў, што гуляю толькі для вяртання доўгу – каля 3 млн еўра. Мне пагражалі зламаць ногі»

La Gazzetta Dello Sport апублікавала словы паўабаронцы «Ювентуса» і італьянскай зборнай Нікола Фаджолі, якія ён сказаў пракурору падчас разгляду справы аб размяшчэнні ім ставак у нелегальных букмекераў, па выніках чаго яго дыскваліфікавалі на 7 месяцаў.

«Я пачаў рабіць стаўкі ў Тырэні падчас трэніровачнага лагера зборнай Італіі U-21.

Я апынуўся ў стане стрэсу, выкліканага даўгамі. Найгоршы перыяд я прайшоў у сакавіку-красавіку 2023 года. Падчас матчу з «Сасуолай» я дапусціў тэхнічную памылку і быў заменены. Слёзы на лаве запасных — гэта следства думак аб маіх абавязках па стаўках.

Калі я гуляў за «Крэманэзе», мама параіла мне паехаць лячыцца. Я ездзіў туды некалькі разоў. У мяне была ілюзія, што я магу абысціся без гэтага. Насамрэч я гуляў на любой спартыўнай падзеі, якую глядзеў па тэлевізары, уключаючы футбол.

Першыя стаўкі я рабіў на тэнісныя падзеі, а потым ужо на футбол, але я ніколі не ставіў на матчы «Крэманезэ» і «Ювентуса».

Каля 110 000 еўра я завінаваціўся аднаму нелегальнаму букмекеру, каля 1,5 мільёна – іншаму, каля 1,3 мільёна – трэцяму. 17 000 еўра я павінен быў юрыдычнаму агенцтву ў правінцыі Пардэноне, каля 31 000 еўра – нелегальнаму банку ў правінцыі Кома.

Доўг рос, а я атрымліваў пагрозы фізічнай расправы (напрыклад: «Я зламаю табе ногі»). Я думаў, што гуляю толькі для вяртання доўгу.

У кастрычніку 2022 году Раду Драгушын пазычыў мне 40 000 эўра. Я сказаў яму, што мне трэба купіць гадзіннік, а мае рахункі заблакавала маці», – сказаў Фаджолі.