Тухель, Дэ Дзербі і Потэр – варыянты для «МЮ», калі давядзецца звольніць тэн Хага

Журналісты The Telegraph назвалі магчымыя варыянты на пасаду галоўнага трэнера «Манчэстэр Юнайтэд», калі клубу давядзецца звольніць Эрыка тэн Хага.

Крыніца пацвердзіла старую інфармацыю пра Грэма Потэра і Томаса Тухеля, аднак дадала, што па іх інфармацыі немец зацікаўлены ў вяртанні ў Англію – у прыватнасці, ён быў бы не супраць узначаліць нацыянальную зборную.

Раберта Дэ Дзербі з «Брайтана» будуць разглядаць у тым выпадку, калі «Ліверпуль» паміж ім і Хабі Алонса з «Баера» абярэ іспанца ў якасці пераемніка Юргена Клопа – той пакіне пасаду ў канцы сезону.

«МЮ» у бягучым розыгрышы АПЛ ідзе 8-м і ўжо вылецеў з еўракубкаў. Расклад матчаў каманды – тут.