Тайландская паліцыя просіць не пералічваць грошы фэйкаваму Хабі Алонса. Ён піша, што яму не хапае на білеты ў Ліверпуль
Тайландская паліцыя зрабіла заяву адносна ашуканца, які выдае сябе за галоўнага трэнера «Баера» Хабі Алонса.
Як паведаміла Цэнтральнае разведвальнае бюро краіны, карыстальнік інстаграма, які выдае сябе за Хабі Алонса, піша ў асабістыя паведамленні на тайскай мове, што з наступнага сезона ён узначаліць «Ліверпуль» замест Юргена Клопа, які абвясціў аб сваім сыходзе.
Таксама фэйкавы Хабі Алонса сцвярджае, што яму не хапае грошай на квіткі ў Ліверпуль і таму ён просіць 300 тайскіх бат (7,85 еўра), каб адправіцца ў Англію.
Акрамя таго, у паліцыі адзначаюць, што спасылка, па якой ашуканец просіць даслаць яму грошы, можа даць доступ да банкаўскіх прыкладанняў, што дасць злаўмысніку магчымасць зняць грошы з рахункаў.
СМІ называюць Хабі Алонса сярод кандыдатаў замест Юргена Клопа. Нямецкі спецыяліст аб'явіў пра свой сыход пасля завяршэння сезона.
«Баер», які ўзначальвае Хабі Алонса, лідзіруе ў Бундэсліге. Табліца тут.