Контэ пра Гвардыёлу: «Калі найлепшы трэнер прыходзіць у клуб, які можа ўзмацняць каманду кожны сезон, цяжка канкураваць»
Былы трэнер «Чэлсі» Антоніа Контэ падзяліўся меркаваннем пра «Манчэстэр Сіці» пад кіраўніцтвам Пепа Гвардыёлы.
«Гэта нялёгка (змагацца супраць каманд Пепа – Tribuna.com). Гвардыёла – найлепшы трэнер у свеце. І калі лепшы трэнер у свеце прыходзіць у клуб, які падтрымлівае яго і можа інвеставаць у важных гульцоў, каб узмацняць каманду кожны сезон, таму што яны жадаюць заставацца на вяршыні свету, то вельмі цяжка канкураваць з імі на тым жа ўзроўні.
Мая гісторыя сведчыць, што я заўсёды прыходзіў у клубы, якія знаходзіліся ў цяжкай сітуацыі. Я заўсёды будую. Пасля майго першага сезона ў «Чэлсі», калі мы выйгралі тытул, мы маглі стаць дамінантнымі ў Англіі. Мы размаўлялі з Лукаку і ван Дэйкам, і з гэтымі двума важнымі гульцамі мы маглі б змяніць сітуацыю», – сказаў Контэ.
