Окадзакі, які выйграваў АПЛ з «Лестэр», абвясціў аб завяршэнні кар'еры ў канцы сезону
Нападаючы «Сэнт-Труйдэна» Сіндзі Окадзакі абʼявіў аб завяршэнні прафесійнай карʼеры ў канцы сезона.
«Як спартовец ты павінен прыслухоўвацца да свайго цела. Сёння я знаходжуся на мяжы сваіх фізічных магчымасцей.
У астатнія тыдні я буду рабіць усё, каб быць у форме, каб унесці свой уклад у каманду і развітацца з ёй на полі», – сказаў 37-гадовы футбаліст.
Окадзакі пачаў сваю карʼеру ў японскім клубе «Сімідзу С-Палс» (29 галоў у 75 матчах).
У 2011-м перайшоў на правах свабоднага агента ў «Штутгарт» (13+3 у 85 матчах). Праз два гады быў прададзены ў «Майнц» (29+4 у 70 матчах), адкуль у 2015-м перайшоў у «Лестэр» (19+6 у 141 матчы) за 11 мільёнаў еўра.
У складзе «ліс» стаў чэмпіёнам Англіі ў сезоне 2015/16. У трох матчах менавіта яго галы сталі пераможнымі.
Пасля гэтага гуляў за «Уэску» (13+1 у 64 матчах) і «Картэхану» (2 галы ў 35 матчах).
Са жніўня 2022-га выступае за «Сэнт-Труйдэн» – 2 галы і 2 асісты ў 39 матчах.