Раналду дыскваліфікавалі на адзін матч за жэсты ў адрас фанатаў «Аль-Шабаба», ён таксама заплаціць каля 7 тысяч еўра штрафу
Дысцыплінарны камітэт Федэрацыі футбола Саудаўскай Аравіі дыскваліфікаваў нападаючага «Аль-Насра» Крышціяну Раналду на адзін матч, паведамляе Arriyadiyah.
У рашэнні была спасылка на скаргу, пададзеную па выніках матчу з «Аль-Шабабам» (3:2) – яна тычылася жэстаў 39-гадовага партугальца ў адрас фанатаў суперніка пасля пераможнага гола сваёй каманды і ўжо пасля фінальнага свістка.
Адзначаецца, што Раналду парушыў артыкул 57-1, у якім гаворыцца, што «любы, хто звяртаецца да правакацый у публічных дзеяннях, словах або сігналах падчас любога матчу, павінен быць адхілены на адзін матч і пакараны штрафам у памеры 10 тысяч рыялаў».
Акрамя гэтага штрафу, Крышціяну таксама павінен аплаціць 20 тысяч рыялаў на рахунак «Аль-Шабаба» – гэта выдаткі на падачу скаргі. Агульная сума ў 30 тысяч рэалаў – гэта каля 7 тысяч еўра.
У бягучым сезоне форвард вызначыўся 28 галамі і 11 асістамі ў 29 матчах за «Аль-Наср», статыстыка – тут.
