Вячаслаў Глеб: «Стаўлю на 0:0 у Суперкубку. Галы будуць, калі мяне паспеюць заявіць»
Экс-гулец зборнай Беларусі Вячаслаў Глеб выказаўся ў тэму Суперкубка.
– У розных краінах да Суперкубка ставяцца па-свойму. Узяць, напрыклад, чэмпіянаты, дзе вы гулялі: у Грэцыі і Швейцарыі ён даўно скасаваны, у Кітаі і Германіі праводзіцца, у нас гэты трафей разыгрываецца з 2010 года. Ці варта праводзіць такі матч на старце сезона?
– Адназначна. Глядзіце: у нас вялікая паўза, аматары гульні, фанаты, абывацелі засумавалі па футболе. І тут Суперкубак. Сустракаюцца дзве наймацнейшыя каманды папярэдняга сезона. Гэта заўсёды цікава. Ведаеце, часта так было, што перад гэтым матчам казалі: мы разглядаем яго як таварыскую гульню, як падрыхтоўку да чэмпіянату. Гэта ўсё глупства і своеасаблівая хлусня. Суперкубак – таксама тытул, і ўсе хочуць яго заваяваць.
– У трох апошніх суперкубкавых матчах было забіта ўсяго два мячы. У суботу таксама варта разлічваць на асцярожны і закрыты футбол ці магчымы сюрпрызы?
– Тут усё проста. Хай звяртаюцца да мяне, яшчэ могуць паспець падпісаць і заявіць, тады і галы будуць – абяцаю (смяецца).
– На чыім баку вашы сімпатыі ў маючым адбыцца матчы, і што падказвае інтуіцыя?
– Вядома, больш буду перажываць за жодзінцаў. Мой прагноз: паядынак завершыцца ўнічыю. Стаўлю на 0:0, а па пенальці пераможа «Тарпеда», – выказаў меркаванне Глеб.
