Дзмітрый Молаш: «З трэнерам па галкіперах пракансультаваўся яшчэ да гульні і зразумелі, што Юрасаў пад серыю пенальці пераважней»
Галоўны трэнер «Тарпеда-БелАЗ» Дзмітрый Молаш пракаментаваў перамогу над мінскім «Дынама» ў Суперкубку Беларусі.
– Я самы шчаслівы чалавек, але не толькі я, але і заўзятары, і гульцы. Не маглі мы такую колькасць нашых прыхільнікаў пакінуць без эмоцый. Усіх аматараў футбола віншую з пачаткам сезона. Скончыліся ўжо трэніроўкі і зборы. Цяпер пачынаецца футбол. Прыходзьце на матчы любімых каманд і хварэйце.
– Замянілі брамніка пад серыю пенальці. Гэта першапачаткова было задумана?
– З трэнерам па галкіперах пракансультаваўся яшчэ да гульні і зразумелі, што Цімафей Юрасаў пад серыю пенальці пераважней. Гэта меркаванне і саміх галкіпераў. Нават заменены Яўген Абрамовіч свае флюіды пускаў. Мы адгадалі, а значыць зрабілі ўсё правільна.
– Па гульні абыгралі суперніка. За кошт чаго?
– За кошт чаго? Шмат складнікаў, напэўна, з-за жадання, таму што мы больш хацелі. У нас гэтага трафея не было, таму мы былі галоднымі, – сказаў Молаш.
