Футбалісты з Беларусі, якія толькі ўладкаваліся ў Еўропе, – як у іх ідзе ў Партугаліі, Грэцыі, Ізраілі і на Кіпры
Першы гол Яблонскага, Паўлавец адразу ў старце, пакуль усё няпроста ў форвардаў.
Гэтыя трансферы адбыліся ўжо ў 2024 годзе. Сочым за тымі, хто вырваўся за межы Расіі і Казахстана або не паехаў туды толькі дзеля вялікіх грошай.
Аляксандр Паўлавец, 27 гадоў
Абаронца, правы на якога належаць «Арэнбургу», са студзеня 2023-га катаецца па арэндах. Мінулы год правёў у грэчаскай «Ламіі», дзе спачатку стабільна гуляў (сумарна правёў 11 матчаў і вызначыўся адным забітым мячом), але з кастрычніка перастаў выходзіць на поле ды і ўвогуле ўсяго два разы трапіў у заяўку. Там была і парваная ікрамыжная цягліца, і сыход трэнера, які запрашаў у калектыў. У студзені-2024 легіянер прыняў запрашэнне на паўгода перабрацца ў кіпрскую «Карміёцісу». Рашэнне смелае, бо восенню 2022-га туды прыязджаў трэнаваць Аляксандр Хацкевіч. Ён правёў каля руля каманды ўсяго шэсць матчаў, а затым клуб пакінуў. Як пазней спецыяліст распавядаў Мікіце Мелказёраву, сышоў, бо адмовіўся здаваць гульню. Няўстойку Хацкевіч забіраў у напружанай абстаноўцы ў атачэнні ўзброеных людзей:
У новым клубе Паўлавец ужо паспеў правесці ад званка да званка сем матчаў. Тыдзень таму ён дапамог вырваць перамогу на 90+3-й хвіліне ў «АЕЗа» (2:1). Праўда, асіст на беларуса не запісалі, бо мяч у выніку адскочыў ад суперніка.
Каманды на Кіпры толькі падзяліліся на тыя, хто змагаецца за медалі, і тыя, хто вырашае, каму выступаць у эліце. «Карміёціса» – як раз у другой групе. У гэтыя выходныя яна пачала сваё змаганне. Паўлавец адгуляў усе 90 хвілін у няўдалай сустрэчы з «Этнікасам» (1:2). «Карміёціса» не тое каб знаходзіцца ў крытычнай сітуацыі, але расслабляцца няма як.
Увогуле, з беларускім легіянерам у складзе калектыў перамог два разы, а саступіў пяць. Паводле слоў Паўлаўца, ён хутка адаптаваўся на новым месцы. У гэтым дапамагло веданне англійскай мовы, а таксама вывучэнне іспанскай, якому ён прысвяціў апошні год.
Уладзіслаў Марозаў, 23 гады
Нападаючы ў мінулым сезоне выйграў чэмпіянат Беларусі з мінскім «Дынама» і сабраў россып індывідуальных узнагарод, уключаючы найлепшага гульца і найлепшага бамбардзіра вышэйшай лігі. А ў студзені за 300 тысяч еўра перабраўся ў «Ароку» з элітнага дывізіёна Партугаліі, заключыўшы кантракт да канца чэрвеня 2027-га. За новы клуб легіянер пакуль не дэбютаваў, затое паглядзеў, як аднаклубнікі ў прыгожым стылі абгульваюць «Порту» (3:2), якое пасля апракінула «Арсенал» 1:0 у Лізе чэмпіёнаў.
Праўда, у апошніх двух турах Марозаў нават не патрапіў у заяўку. Без яго «Арока» саступіла «Каза Піі» (0:1) і адолела «Фамалікан» (3:2) – супернікі ідуць крыху ніжэй у табліцы. Каманда беларуса абыходзілася ў гэтых сустрэчах адным форвардам, і гэтую ролю прадказальна давяралі Рафе Мухіке – на сёння 25-гадовы іспанец, які ў свой час выступаў за «Барселону Б», з'яўляецца трэцім бамбардзірам лігі з 14 мячамі.
«Арока» пасля 23 тураў мае 31 пункт і 7-е месца. Дэталёвую табліцы партугальскага першынства можна паглядзець тут.
Яўген Яблонскі, 28 гадоў
Падпісант за рэжым пакінуў кіпрскі «Арыс» у сярэдзіне ліпеня 2023-га, хаця па кантракце мусіў выступаць яшчэ год. Клуб выплаціў паўабаронцу кампенсацыю ў 200 тысяч долараў. Новую каманду Яблонскі шукаць не спяшаўся, хоць прапановы былі. Грошай, заробленых у «Арысе», хапала, таму можна было выбіраць і чакаць у курортным Лімасоле аптымальных прапаноў («Ваявадзіна» з сербскай эліты і пераможца Д2 Грэцыі «Пансэраікас» не задаволілі фінансава).
Калі дэбютаваў, выйшаў на 71-й хвіліне супраць «Воласа», а праз 10 хвілін атрымаў жоўтую картку. Зрэшты, адзіны мяч у сустрэчы – пераможны для «Астэраса» – быў забіты пры мужу Крысціны Козел.
У гэтыя выходныя ён сам забіў першы мяч у Грэціі, прычым у вароты «Алімпіякоса».
Гол вывеў «Астэрас» наперад у самым канцы першага тайма, але пасля замены беларуса трыпалійцы двойчы прапусцілі і саступілі.
Пасля 24 тураў «Астэрас» з 30 пунктамі займае 7-е месца з 14 у чэмпіянаце Грэцыі.
Дзмітрый Анцілеўскі, 26 гадоў
Нападаючы правёў магутны восеньскі адрэзак у БАТЭ, вызначыўшыся шэсць разоў за чатыры матчы, і ў зборнай Беларусі, дзе забіў пераможны мяч Косава і набраў 1+1 са Швейцарыяй. У студзені-2024 Антцілеўскі стаў аднаклубнікам Дзяніса Палякова па «Хапаэлі» з Хайфы, заключыўшы кантракт да 30 чэрвеня 2025 года. Паводле нашых звестак, яго зарплата ў новай камандзе складае 12 тысяч долараў да выліку падаткаў, што ў чатыры разы больш, чым было ў БАТЭ. А яшчэ клуб дае кватэру і машыну.
У мінулыя выходныя беларус упершыню выйшаў у асноўным складзе «Хапаэля» – адбегаў 86 хвілін супраць «Бней Сахніна», выніковых дзеянняў не зрабіў і быў заменены пры ліку 1:2 на карысць суперніка.
У папярэдніх матчах Анцілеўскага тройчы выпускалі на замену, агулам даўшы 28 хвілін (перамога, параза, нічыя). Пунктаў у ізраільскай лізе гулец пакуль не набіраў, а яго каманда пасля 23 тураў мае 41 пункт і займае 4-е месца – гэта два пункты да трэцяй пазіцыі і дзесяць да лідара «Макабі» Тэль-Авіў (зручная табліца ізраільскай лігі).
Іншыя пасты карыстальніка
