Каралёк закінуў 16 мячоў у матчы супраць «Заглембе». Ён аднавіў свой рэкорд па галах у дарослым гандболе
29 кастрычніка «Віве», за які гуляе Арцём Каралёк, абыграў «Заглембе» (39:20) у рамках 9-га тура чэмпіянату Польшчы.
Каралёк закінуў 16 мячоў у гэтай сустрэчы, аднавіўшы тым самым свой рэкорд па галах у дарослым гандболе. Акрамя таго, беларус быў блізкі да паўтарэння рэкорду ўсяго польскага чэмпіянату свайго аднаклубніка Аркадыуша Марыты, які закінуў 17 мячоў у вароты «Петравяніна» чатыры гады таму.
«Мы добра падрыхтаваліся да гэтай сустрэчы пасля гульні з «Цэле», няхай і падзяліла гэтыя матчы ўсяго 48 гадзін. Сваю працу зрабілі, самае галоўнае, што абышлося без траўм. Ці закідваў я раней за 16 мячоў? Так, але мне тады было 17 гадоў, я гуляў за моладзевую зборную Беларусі. Гэта мой дзень, але не думаю, што мае партнёры гулялі спецыяльна на мяне. На пляцоўцы была каманда, мы не ішлі на рэкорд, а я нават не лічыў галы. Думаў, што ў мяне іх 12 ці 13», - сказаў Каралёк прэс-службе клуба пасля матчу.
