Расіянін Квартальнаў узначаліў мінскае «Дынама» і зборную Беларусі («Прэсбол»)
Як паведамляе «Прэсбол», расіянін Дзмітрый Квартальнаў узначаліў мінскае «Дынама». Акрамя таго, паводле інфармацыі выдання, экс-трэнер «Ак Барса» будзе сумяшчаць пасады галоўнага трэнера «зуброў» і зборнай Беларусі.
Нагадаем, што ўчора стала вядома пра тое, што Крэйг Вудкрафт пакінуў сваю пасаду галоўнага трэнера як у мінскім «Дынама», так і ў зборнай Беларусі.
Апошнім клубам 56-гадовага Квартальнава быў казанскі «Ак Барс», які ён узначальваў з 2019 па 2022 год. Акрамя таго, у паслужным спісе трэнера «Поўначсталь», «Сібір», ЦСКА і «Лакаматыў».
З ЦСКА Квартальна стаў чэмпіёнам Расіі ў сезоне-2014/15, а таксама тры разы выйграваў Кубак Кантынента (2014/15, 2015/16 і 2016/17).
Паведамлялася, што расійскі спецыяліст запытвае 60 мільёнаў расійскіх рублёў [778 414 долараў] у магчымых працадаўцаў.
