Краўчанка пасля 3:0 над «Нёманам»: «Гулялі да апошняй секунды. У прынцыпе, як і супернік. Проста «Металург» забіў, а «Нёман» – не»

Галоўны трэнер «Металурга» Дзмітрый Краўчанка падзяліўся меркаваннем аб перамозе над «Нёманам» (3:0) у 4-м матчы фінальнай серыі Экстралігі (лiк у серыі:2-2).

– Што сёння асабліва атрымалася? Чым ганарыцеся?

– Гульнёй да канца. Мы гулялі да апошняй секунды. У прынцыпе, як і супернік. Проста мы забілі, а супернік – не.

– Калі вяртацца да папярэдняй сустрэчы – што ў вас там не атрымалася? Напэўна, ужо з'явіўся нейкі адказ.

– Там супернік закінуў, а мы – не. Вось і адказ.

– Серыя пераязджае ў Гродна. Ці атрымаецца пратрымацца на такой хвалі і там?

– У сённяшнім матчы мы хацелі выраўнаваць сваю гульню, зраўняць лік у серыі. Трэба паспрабаваць зрабіць наступны крок, – цытуе Краўчанку hockey.by са спасылкай на тэлеканал «Беларусь 5».