Выкліканы ў зборную Беларусі Бокун: «Прыход Квартальнава будзе глытком свежага паветра для мiнскага «Дынама». Сыход Вудкрафта ўспрыняў нейтральна»
Беларускі абаронца «Тарпеда» Данііл Бокун пракаментаваў змену трэнераў у зборнай Беларусі і мінскім «Дынама». Нагадаем, што галоўным трэнерам абедзвюх каманд стаў Дзмітрый Квартальнаў, які змяніў на гэтую пасаду Крэйга Вудкрафта.
– Падчас сезону вы крытыкавалі Крэйга Вудкрофта за тое, што ён не даў вам шанцу ў мінскім «Дынама». Як успрынялі навіну аб тым, што канадзец пакінуў пасаду не толькі настаўніка «зуброў», але і зборнай Беларусі?
– Я ўспрыняў гэтую навіну нейтральна. Гэта ягоная кар'ера, а ў мяне свая. Злараднічаць я дакладна не буду.
– Новым галоўным трэнерам нацыянальнай каманды Беларусі і мінскага «Дынама» стаў Дзмітрый Квартальнаў. Як думаеце, ці здолеюць «зубры» пад яго кіраўніцтвам прайсці першы раунд плэй-оф?
– Я думаю, гэта будзе глытком свежага паветра для каманды. Будзе новае бачанне гульні ад новага трэнера і ўпэўнены, што гэта пойдзе толькі на карысць. Што датычыцца выхаду ў другі раунд плей-оф, то мне здаецца, гэта будзе залежаць ад таго, наколькі трэнерскі штаб і хакеісты змогуць стаць адзіным цэлым, плюс як гульцы будуць выконваць трэнерскія ўстаноўкі.
– Вас выклікалі ў зборную Беларусі на маючы адбыцца кэмп. Якія чаканні ад працы з Квартальнавым?
– Хочацца пазнаёміцца бліжэй з трэнерам, які працаваў у топавых клубах КХЛ, зразумець, якія запыты, да чаго трэба імкнуцца і паляпшаць сваю якасць гульні. Спадзяюся, ён падкажа якія-небудзь новыя цікавыя рэчы, – распавёў Бокун.