Дзяржтрэнер Ворсін: «На ЧС Польшча, Венгрыя, Аўстрыя, Італія ўдзельнічаюць толькі таму, што не дапусцілі нас і Расію»

Дзяржаўны трэнер па хакей Яўген Ворсін пракаментаваў нядопуск зборнай Беларусі на чэмпіянат свету.

– Ужо ў трох чэмпіянатах свету мы не ўдзельнічаем. А мы яшчэ пакуль 14-ю пазіцыю не страцілі ў сусветным рэйтынгу. Там удзельнічае Польшча, Венгрыя, Аўстрыя, Італія. Вось я цяпер назваў зборныя, якія ўдзельнічаюць там толькі таму, што не дапусцілі нас і Расію. Мы нават не можам праверыць моладзь, але калі мы гуляем супраць Расіі ці Казахстана, то мы іх абкатваем. І мы бачым, што нашы вядучыя хакеісты наогул не саступаюць ім у майстэрстве.

А колькі цяпер нашых хакеістаў трапляюць на драфты і ляцяць за акіян? І іх узровень правяраецца не намі, а спецыялістамі паўночна-амерыканскага хакея.

Тое, што мы займаемся развіццём – гэта не галаслоўе. Нам трэба падняць узровень каманды да такога ўзроўню, каб быць пастаяннымі ўдзельнікамі плэй-оф. І з нашай моладдзю гэтая задача будзе нам па сілах, – сказаў Ворсін.