Алістраў пасля 1:2 ад «Расіі 25»: «Беларусь абавязаная выйграць дзве сустрэчы дома. Будуць заўзятары. Гэта павінна нам дапамагчы»
Нападаючы зборнай Беларусі Уладзімір Алістраў падвёў вынікі матча са зборнай «Расіі 25» (1:2).
– Добрая гульня ад нашай каманды. Трохі не хапіла, прайгралі ў авертайме. У цэлым выглядалі нядрэнна.
Не хапіла рэалізацыі, у трэцім перыядзе было некалькі выхадаў 1 у 0. Трэба было забіваць і выйграваць у асноўны час.
Прапусцілі ў авертайме – гэта ключавы момант матчу. Мы абавязаны выйграць дзве сустрэчы дома. Будуць нашы заўзятары, гэта наш шосты палявы гулец. Гэта мусіць нам дапамагчы.
Гэтая серыя – добры вопыт. Наша каманда маладая. Гэта вялікі плюс для кожнага гульца.
Працаваць з Квартальным цікава, гэта нейкі досвед. Усе хлопцы паціху да яго абвыкаюць. У цэлым з ім цікава працаваць. Узмацненне ў менскіх матчах? Я нічога не чуў, гэта пытанне не да мяне, – сказаў Алістраў.