Гулец зборнай Беларусі Борыкаў: «Спрабую апраўдаць давер трэнера, выконваць патрабаванні»
Хакеіст зборнай Беларусі Ягор Борыкаў распавёў аб працы з Дзмітрыем Квартальнавым.
– Сёння і шайбу закінуў, і буліт даверылі выканаць. Якія ўражанні?
– Уражанняў ад матчу вельмі шмат: малады супернік, мы ўзялі вопытам і вырвалі перамогу.
– Гульня атрымалася арэльная. Наколькі было цяжка, улічваючы, што «Магнітка» – топ-клуб КХЛ?
– Цяжка сказаць, хакей быў роўны. Яны малайцы, біліся да канца, а мы не адступалі, апынуліся надзейней. У авертайме нам больш пашанцавала, і мы перамаглі.
– Раскажы пра сваю шайбу.
– Быў добры ўваход у зону, заехаў на хуткасці. Думаў, проста адскок, але пашанцавала-яна заляцела.
– Нешта сказалі пра тваю шайбу ў распранальні?
– Не, нічога не казалі. Зайшоў трэнер, сказаў пра нашы памылкі, што рыхтуемся да заўтрашняй гульні з «Сібір'ю».
– Шайбу забярэш?
– Ды не, усё ж такі сёння быў таварыскі матч.
– Быў такі момант: Дзмітрый Квартальнаў нешта эмацыйна тлумачыў. Наколькі проста ці няпроста працаваць з такім эмацыйным трэнерам?
– Насамрэч, гэта добра: у трэнера эмоцыі, ён гарыць эмоцыямі.
– Правёў перадсезонку ў клубе КХЛ. Як па адчуваннях даецца табе гэты ўзровень?
– Пакуль даецца. Трэнер давярае, а гэта самы важны фактар. Спрабую апраўдаць давер, выконваць патрабаванні, – сказаў Борыкаў.
