Краўчанка – пра 3:1 з «Хімікам»: «Баявы атрымаўся матч. Супернік прапанаваў добрую сілавую барацьбу, мы яе прынялі, вытрымалі, адказалі»

Галоўны трэнер «Металурга» Дзмітрый Краўчанка пракаментаваў гульню з «Хімікам» (3:1) у Кубку Салея.

«Баявы атрымаўся матч, шмат сілаў затрацілі. Супернік прапанаваў добрую сілавую барацьбу, мы яе прынялі, вытрымалі, адказалі. Своечасова забілі галы, парадавалі балельшчыкаў. А яны нас - выдатна сёння падтрымлівалі, ад першай да апошняй хвіліны, было вельмі прыемна знаходзіцца на гэтым матчы, яго гуляць. Удзячныя ім і просім гэтак жа працягваць!

Тое, што не дацярпелі 9 секунд да першага шатаўта Сяргея Кудраўцава, крыху засмучае? Лепш такія пытанні не задаваць, каб не варушыць мінулае. Мы ў трэцім перыядзе забілі гол? Забілі. Сапернік таксама забіў. «Хімік» спрабаваў выправіць сітуацыю - малайцы, гэта годна. Мы вытрымалі, не прайгралі перыяд, таму расстройства няма.

Пры ліку 1:0 у вельмі важны момант адправілі на буліт абаронцу Ягора Старкова? Інтуіцыя, бо ведаў, што ён заб'е. Верыў, вось і ўсё. Мог і не забіць, вядома :) Проста маё рашэнне – з Божай дапамогай у Ягора атрымалася.

Чаму Грышакоў не застаўся на паўнавартасны кантракт? Андрэй - таленавіты спартсмен, аддаваўся ў матчах і трэніровачным працэсе. Добры гулец і прыстойны чалавек, але ледзь не падрыхтаваны быў на дадзеным этапе. Мы працягваем пошук хакеістаў, зараз склад не ўкамплектаваны да канца. Галоўнае, каб не мне спадабаўся гулец, а камандзе падышоў.

У пятніцу прымаем "Віцебск", матч за першае месца ў групе? Гэта ўсім трэба зразумець і ўсвядоміць. Я ж разумею», – сказаў Краўчанка.