Аляксандр Палішчук: «Трэба захоўваць вытрымку. Парушэнні – у большай ступені псіхалогія»
Галоўны трэнер «Дынама-Маладзечна» Аляксандр Палішчук пракаментаваў паразу ад «Шахцёра» (2:6) у матчы Экстралігі.
– Прапусцілі два хуткія галы за тры першыя хвіліны. Гэта, вядома, надламіла крыху. Потым вярнуліся ў гульню. У другім перыядзе дзве шайбы – з-за лініі пракіду. У трэцім перыядзе – пытанне да дысцыпліны.
– Парушэнні, на вашую думку, звязаныя з гульнявымі сітуацыямі ці ўсё ж гэта больш псіхалогія, і папросту здаюць нервы ў хлопцаў да канца гульні?
– Псіхалогія – у большай ступені. Трэба захоўваць вытрымку.
– Адсутнасць у складзе Зазона і Амбражэйчыка паўплывала на вынікі апошніх матчаў?
– Так, гэта дасведчаныя гульцы, адчуваецца іх адсутнасць.
– Шалесны змяніў у варотах Кісялёва ў гэтым матчы. З чым звязана рашэнне?
– У Кісялёва невялікае пашкоджанне.
– Ці ёсць у вас стратэгія, як выправіць сітуацыю і вывесці каманду з крутога піке?
– Ёсць.
– Шмат казалі пра кадравыя праблемы ў камандзе. Асабліва пра дэфіцыт абаронцаў. Што зараз скажаце пра склад?
– Цяпер у нас 4 звяна. Калі ласка, хлопцы, выходзьце, даказвайце!
– Паразы, якія сталі звыклымі, не фарміруюць мысленне аўтсайдэраў? Няма такога ў камандзе?
– У мяне няма.
– А ў гульцоў?
– Мы спрабуем у гэтым плане з імі працаваць і размаўляць, – сказаў Палішчук.
