Дзмітрый Квартальнаў: «Перамагае той, хто менш памыляецца. Другі гол маглі і не прапусціць»

Галоўны трэнер мінскага «Дынама» Дзмітрый Квартальнаў пракаментаваў паразу ад аднайменнага клуба з Масквы ў матчы КХЛ (1:2).

– Цяжкая гульня. Эмоцый і свежасці не хапала. Разумелі гэта. Адна памылка. Маглі па ліку згуляць і не прапусціць другі гол. Але ў хакеі ўсё з-за памылак. Перамагае той, хто менш памыляецца. У трэцім перыядзе прапусцілі і не змаглі адквітаць адну шайбу.

– За матч каманда ні разу не выдалілася. Рабілі на гэтым акцэнт? Бо ў маскоўскага «Дынама» рэалізацыя лішняга працуе добра.

– Вы адказалі на гэтае пытанне. Яны выдатна гуляюць у большасці, там хапае майстроў. Часта гаворыш гэта перад матчамі, але не заўсёды атрымліваецца рэалізаваць. А тут атрымалася.

– Не было дэжавю пасля другога гола? Ён вельмі падобны на шайбу Бушэ ў матчы з «Авангардам».

– Памылкі. Казалі пра гэта. Але ўсё бывае на фоне стомленасці. Трэба было гульцу ў цэнтры застацца, тады б праблем не было. Што зараз казаць? – адказаў Квартальнаў.