Трэнер «Дынама-Шынніка» Мікульчык: «Серыяй матчаў трэнерскі штаб застаўся задаволены. Задачы выкананы, рыхтуемся да наступных гульняў»

Трэнер «Дынама-Шынніка» Павел Мікульчык падвёў вынікі серыі матчаў з «Тайфунам».

«Матчы былі цікавыя. Перамога не давалася нам лёгка. У першым матчы хоць і забілі шмат, але гульня была ўпартая. Было шмат момантаў і ў суперніка, проста мы свае моманты добра і своечасова рэалізавалі. Серыяй матчаў трэнерскі штаб застаўся задаволены. Задачы выкананы, таму рыхтуемся да наступных гульняў.

У трэцім перыядзе» Тайфун » быццам забраў ініцыятыву ў свае рукі? Як я і казаў, каманда суперніка выйшла сёння ўжо з іншым настроем. Думаю, што трэнер пагаварыў з імі, разабралі нашу першую гульню, і на лёдзе была ўжо іншая каманда, таму сёння нам было складаней. Моманты былі, але не атрымлівалася закінуць: і ў пустую браму не траплялі, і атакі не рэалізоўвалі. Не выціскалі максімум з тых момантаў, якія з'яўляліся. Два перыяды больш валодалі шайбай, а ў трэцім супернік перахапіў ініцыятыву. Яны памянялі тактыку: лавілі нас на контратаках, рызыкавалі, забягалі пад далёкую сінюю і выходзілі ў добрыя контратакі. Выдатна выручыў у патрэбных момантах наш брамнік Ціхан Чайка. Нам трэба было ў канцы згуляць па ліку, як і любой іншай камандзе, таму стараліся не бегчы, але ўсё роўна месцамі правальваліся.

Як у далейшым пазбегнуць такія моманты? Каманда маладая, шмат моладзі, а дастукацца часам да іх складана. Гэта прыйдзе з вопытам. Трэба проста гуляць па заданні, па ліку і не заўсёды трэба бегчы толькі наперад. Трэба ўмець і абараняцца, хутка перамыкацца з атакі ў абарону.

Скажу шчыра, моладзь у гэтых матчах раскрылася. Гулялі як вядучыя гульцы. Шмат атакавалі, нагняталі і, адпаведна, гэта прынесла свой плён. І закідвалі, і аддавалі, набралі ачкі. Праявілі сябе з лепшага боку, а ад некаторых нават не чакалі такой гульні. Добра, дай Бог, каб і далей так гулялі. Трэба чапляцца за гэтую гульню.

Якія планы ў каманды? Заўтра дзень пералёту, так што мы збіраемся. Зноў змяняецца гадзінны пояс, літаральна на гадзіну. Заўтра трэніроўкі не будзе, атрымаецца невялікі выхадны, а на наступны дзень будзем рыхтавацца да матчаў з «Сахалінскімі акуламі». Паглядзім відэа, разбяром некаторыя моманты і ў бой», – сказаў Мікульчык.