Намеснік старшыні беларускай федэрацыі дзюдо Мацвяйчук: «Калі мы сумняваемся, што нам адкрыюць візы ці нешта пойдзе не так, мы ў гэтым не ўдзельнічаем»

Вячаслаў Мацвяйчук, намеснік старшыні Беларускай федэрацыі дзюдо, распавёў пра тое, як ставяцца да беларусаў на міжнародных спаборніцтвах.

– Як французы паставіліся да нашага ўдзелу ў чэмпіянаце Еўропы ў Манпелье?

– Усе спартсмены адзін да аднаго ставяцца добра. Яны таксама прафесіяналы. Калі прынятае рашэнне, што нашы спартоўцы ўдзельнічаюць, то ўжо ўсё. Калі б прыехалі няпрошаныя госці, было б іншае стаўленне. Самыя топавыя спаборніцтвы праводзяцца без замінак. Тут людзі ўзважваюцца, тут рэгіструюцца, тут выходзяць на татамі. У дзюдо нейкія затрымкі, нечаканасці ці правакацыі ў трансляцыі быць не павінны і не будуць.

– Але вось, напрыклад, на Еўрапейскія гульні ў Польшчы нас не пусцілі, не адкрыўшы візы.

– Зноў-такі кажу, што калі праведзена папярэдняя праца, і ўсё дамоўлена, то ўсё проста. Калі б мы сумняваліся, што нам адкрыюць візы, ці былі б здагадкі, што нешта пойдзе не так, мы б у гэтым не ўдзельнічалі. Напрыклад у Германіі быў чэмпіянат Еўропы да 23 гадоў. У нас было меркаванне, што можа пайсці не так. І ні мы, ні расіяне туды не паехалі, – распавёў Мацвяйчук.