Тур №24
Вольфсбург паказвае, што значыць раззлаваць Баварыю, Шальке «адрываецца» за апошнія дзве гульні на Хафенхайме, Вердэр другую гульню запар выйграе і не прапускае. Гэта і не толькі - у традыцыйным аглядзе чарговага туру Бундэслігі.
Праз гульні зборных, нямецкі чэмпіянат пазбавіўся ў гэтым туры гульні ў пятніцу, таму субота была крыху больш насычаная чым раней.
24 - 0-1 Хохшайд
30 - 1-1 Максім
35 - 2-1 Харнік
82 - 2-2 Бічакчыч
Штутгарт зноў не выйграў. Цярплівасць у "шваабскіх" босаў не бясконцая і Томас Шнайдэр быў вызвалены пасля гэтай гульні. На яго месца прыйшоў Хуб Стэвенс, вядомы па працы з гельзенкірхінскім Шальке.
Гэтая нічыя абвастрыла барацьбу ў зоне вылету. Цяпер Айнтрахт, які ідзе апошнім, пры шэрагу абставін можа падняцца на 15 радок.
29 - 0-1 Мадлунг
72 - 1-1 Чалханаглу (пенальці)
Айнтрахт па-ранейшаму упэўнена кантралюе свой лёс у Бундэслізе, а вось Гамбург з кожным недаборам балаў рызыкуе апынуцца не ў вельмі добрай сітуацыі.
5 - 1-0 Рафаэл
35 - 1-1 Халіл Алтынтоп
81 - 1-2 Вернэр
Галоўнае адкрыццё сезону Аўгсбург не перастае здзіўляць. Волевая перамога ў Гладбаху вывела хлопцаў Маркуса Вайнцырля ў зону еўракубкаў. Гладбах жа зноў не выйграў у 2014.
28 - 0-1 Кастра
33 - 1-1 Руднеўс
Баер нарэшце б выйграў у гэтым туры, калі б зноў не памылка ў абароне, а дакладней, у апорнай зоне, якой выдатна скарыстаўся нападнік зборнай Латвіі. 4 ачкі адставання ад Барусіі замест 6 - слабае суцяшэнне для "аптэкараў".
Не можам не адзначыць подзвігі Бернда Лена ў адбіцці пенальці: з 6 спроб Бернд нічога не супрацьпаставіў толькі ў адным выпадку. Саболчу Хусці 8 сакавіка не пашанцавала.
Шальке 04 4-0 Хафенхайм 1899
6 - 1-0 Хунтэлар
28 - 2-0 Хунтэлар
55 - 3-0 Абасі
79 - 4-0 Хунтэлар
Хафенхайм не Рэал і не Баварыя, таму зрабіць з Шальке тое, што зрабілі будучы чэмпіён Германіі і, магчыма, будучы чэмпіён Іспаніі, у яго не атрымалася. Наадварот, "вяскоўцы" апынуліся ў тым стане, у якім былі гаспадары на мінулым тыдні. Калі Шальке працягне так гуляць у чэмпіянаце, то праблем з кваліфікацыяй у Лігу Чэмпіёнаў не будзе.
"Кобальтавыя" дагналі Баер і адарваліся на 4 балы ад Вольфсбурга, але пра гэта ніжэй:
Вольфсбург 1-6 Баварыя
17 - 1-0 Налда
26 - 1-1 Шакіры
63 - 1-2 Мюлер
66 - 1-3 Манджукіч
71 - 1-4 Рыберы
78 - 1-5 Мюлер
80 - 1-6 Манджукіч
За апошнія часы гэта быў самы складаны матч для Баварыі. І няхай вас не засмучае вынік, Вольфсбург на працягу гадзіны гуляў з Баварыяй на роўных. Налда адкрыў лік, хутка Шакіры (ці Мюлер, цяжка было вызначыць) забівае ў адказ, пасля, да 63 хвіліны, пачаўся класны, востраатакуючы футбол. "Ваўкі" не адседжваліся ў абароне, стваралі пэўныя складанасці мюнхенцам, але, калі гуляеш супраць Баварыі, то ў абароне не павінна быць ніводнай памылкі, зусім-зусім ніводнай. На 63 хвіліне Мюлер скарыстаўся бліскучым пасам Алькантары і памылкай Налда - далей ужо пайшла звыклая справа.
"Ваўкі" па-ранейшаму пятыя ў лізе, але ў адным бале ад іх знаходзіцца Аўгсбург, таму трэба быць уважлівымі.
Нюрнберг 0-2 Вердэр
40 - 0-1 ды Санта
68 - 0-2 Баргфрэдэ
Другая "сухая" перамога Вердэра запар. Такое ў гэтым сезоне з "музыкамі" было толькі ў 1 і 2 турах. Творца гэтых, няхай і лакальных, поспехаў - Ааран Хант. 2 галявыя і ўчынак, за які можна выказаць моцную павагу з боку гульцоў і аматараў футболу, а з боку УЕФА, спадзяюся, яшчэ і ўзнагароду за сумленную гульню.
Нядзеля. Жаночы дзень быў адсвяткаваны, а у 24 туры Бундэслігі засталося згуляць яшчэ 2 матчы. Завітаем у Фрайбург:
Фрайбург 0-1 Барусія Дортмунд
58 - 0-1 Кель
Стрэл Себасцьяна Келя дапамог Барусіі перамагчы ў гасцях Фрайбург. Госці мелі моманты, каб не абмежавацца 1 голам, але як ёсць, так ёсць. Крыху шкада Фрайбург, які праводзіў сваю 500-ю гульню ў Бундэсліге.
Апошні матч гэтага туру:
51 - 0-1 Рамас
65 - 1-1 Чупа-Мотынг (пенальці)
Адрыян Рамас стараецца не адстаць ад Марыа Манджукіча ў бамбардзірскай гонцы. Абаронцы Майнца яму ў гэтым дапамаглі. На шчасце гаспадароў, пазней быў прызначаны пенальці, які рэалізаваў Чупа-Мотынг. Не "абцасам", а звычайным ударам, але для нчіыі гэтага хапіла.
Гулец туру: У гэтыя выхадныя я вырашыў выбраць лепшага гульца не толькі па статыстычных паказчыках. Таму герой 24-га туру Бундэслігі - Ааран Хант
Гол туру: Себасцьян Кель
Зборная:
Брамнік: Бернд Лена (Баер)
Абаронцы: Бічакчыч (Айнтрахт Браўншвайг) - Мадлунг (Айнтрахт Франкфурт) - Налда (Вольфсбург)
Паўабаронцы: Мюлер (Баварыя) - Хант (Вердэр) - Кель (Барусія Дортмунд) - Алькантара (Баварыя) - Вернэр (Аўгсбург)
Нападаючыя: Хунтэлар (Шальке 04) - Манджукіч (Баварыя)
