ПСЖ - Баер. Згублена ўсё, акрамя годнасці!

Мюнхен з нецярпеннем чакаў матч у адказ супраць Арсенала. Усе спадзяваліся на рэзультатыўны матч, але выйшла інакш. Баварыя згуляла вельмі рацыянальна, "па разліку". Словы Гвардыёлы знайшлі сваё адлюстраванне на газоне "Мюнхен-арэны":

"Калі мы пачнем проста цягнуць час, каб захаваць вынік, то ў нас будуць перашкоды.

Мы павінны больш валодаць мячом. Я добра ведаю Арсенал, яны могуць перахапіць ініцыятыву. Наша мэта - не даць ім гэта зрабіць. мы павінны кантраляваць гульню. Калі мяч будзе ў нас, то мы выйдзем у чвэрцьфінал. Калі мы аддадзім мяч Арсеналу, то тады ў чвэрцьфінал выйдуць яны.

Калі яны авалодаюць мячом у цэнтры поля, то можа адбыцца ўсё, што заўгодна. Кананірам пасля паразы ў сябе дома губляць цяпер няма чаго, таму яны будуць выступаць з адпаведным настроем.

Для Арсенала гэты матч вырашаючы, гульцы будуць выкладвацца на ўсе 100. Я чакаю, што яны пакажуць сваю лепшую гульню."

Як бачылі, словы трэнера Баварыі не разышліся са справамі. Баварыя мела дастаткова момантаў для ўпэўненай перамогі (Мюлер у канцоўцы нават пенальці не забіў), але гэта не было галоўнай задачай ва ўчорашнім матчы, за які мюнхенцам можна паставіць 9 з 10 балаў.

Шанс у Арсенала быў толькі ў тым выпадку, калі Баварыя нешта "прывязе" да сваіх варот. Гэтага не адбылося, але адбылася памылка суддзі, калі Лам авалодаў мячом ля сваёй штрафной, былы баварэц Лукаш Падольскі акцэнтавана адштурхнуў ад сябе капітана "Бундэсманшафт". Свісток рэферы прамаўчаў, гульцы Баварыі супыніліся, забыўшыся на тое, што трэба гуляць да свістка на такім узроўні, а Мануэль Ноер запусціў мяч праз вушы пасля стрэла Падольскі. Таму пры ўсёй павазе да лонданцаў і Лукаша Падольскі гэты гол на 70% Свэна Моена і на 30% гульцоў Баварыі і Ноера. 

Цікавы момант: усе 4 мячы былі забіты паўабаронцамі зборнай Германіі:

Тоні Крос

Томас Мюлер

Басціян Швайнштайгер

Лукаш Падольскі

Сёння яшчэ адзін нямецкі прадстаўнік згуляе матч у адказ. І на 99% гэта будзе апошні матч у гэтай Лізе Чемпіёнаў. Баер дома прайграў ПСЖ 0-4, таму на Парк дэ Прэнс трэба паказаць проста годны футбол і не страціць твар канчаткова.

Спадзяюся, гэта атрымаецца.