Арбітр перадухіліў трагедыю. Магчыма, выратаваў жыццё партнёру Ягора Шаранговіча
Хуткая рэакцыя.
23 лістапада адбыўся матч рэгулярнага чэмпіянату НХЛ паміж «Нэшвіл Прэдатарз» і «Калгары Флэймз», дзе мацнейшымі апынуліся гаспадары пляцоўкі - 4:2.
Але гэтая гульня толькі цудам не стала трагедыяй. У канцы першага перыяду абаронца «Калгары» Дэніс Гілберт і нападаючы «Нэшвіла» Майкл МакКэран учынілі бойку, падчас якой першы страціў шлем.
У нейкі момант «бітва» зайшла ў тупік, і МакКэран не прыдумаў нічога лепшага, чым паваліць суперніка на лёд, наваліўшыся на яго ўсёй масай свайго цела.
Гілберт ужо ляцеў патыліцай уніз, але ў апошні момант лінейны арбітр паспеў падставіць руку, абараніўшы, такім чынам, галаву гульца і, прадухіліўшы магчымую трагедыю.
Заўзятары прыйшлі ў захапленне ад рэакцыі арбітра:
«Не ведаю, як ішлі справы з судзействам, але суддзя заслугоўвае пахвалы за тое, што ўлез туды і спрабаваў злавіць галаву Гілберта!»
«Добры ўлоў на шляху ўніз, рэф».
«Добра, што суддзя абараніў яго галаву ў апошнюю секунду».
Беларус Ягор Шаранговіч правёў на лёдзе ў гэтай гульні 17:14 (20 змен), выканаў 2 кідкі ў створ, 1 – міма, здзейсніў 1 перахоп і скончыў сустрэчу з паказчыкам карыснасці «0».
У 19 матчах са старту сезона на рахунку Ягора 7 (4+3) ачкоў пры 6 хвілінах штрафу і паказчыку карыснасці «-6».
