Рэжымны белспорт сабраўся на святкаванні прапагандысцкага тэлеканала. У скандальным рэстаране праспявалі песню «адмененага» музыканта
Свята самалюбавання.
Прапагандысцкі тэлеканал «Беларусь 5» на днях адзначыў круглую дату, наконт чаго сабраў пад адным дахам прадстаўнікоў рэжымнага белспорту. Месца для святкавання выбралі сімвалічнае – скандальны рэстаран «Лябяжы», пабудаваны ў парушэнне нормаў у прыродным заказніку, ідэальна падыходзіць для такога мерапрыемства .
На імпрэзу прыйшлі чыноўнікі Лукашэнкі і не з пустымі рукамі: прынеслі цэлы россып грамат і падзяк. Вось Ганна Любянкова, якая вядзе праграму спартыўнага клуба Лукашэнкі «Героі. Перазагрузка», з падзякай ад кіраўніка БФБ Максіма Рыжанкова.
А гэта ўжо кіраўнік ФХБ Аляксандр Багдановіч разам з вядучай Марыяй Багатыр і яе калегамі.
А самой дырэкцыі канала дастаўся яшчэ і стол для настольнага тэніса.
Некаторыя прыйшлі на мерапрыемства сям'ёй: Крысціна Захарава фатаграфавалася разам з бацькам і ў кампаніі іншай тэлевізійная сям'і.
Пасля завяршэння ўсіх фармальнасцяў сцэну аддалі музыкам. Гасцей забаўлялі выканаўцы Насця Краўчанка і Мікіта Белько, тыя самыя, з якімі працуе лэйбл Flagman, які актыўна супрацоўнічае з нявесткай Лукашэнкам.
Марыя Багатыр была задаволена выбарам выканаўцаў.
А затым на сцэну выйшла скакуха Анастасія Мірончык-Іванава, якая разам з удзельнікам беларускага шоў «X Фактар Беларусь» Дзмітрыем Ракусавым выканала песню Валерыя Меладзэ «Красиво».
Ні скакуху, ні спевака не збянтэжыла «антываенная» пазіцыя музыкі, з-за якой ён адчувае складанасці з арганізацыяй канцэртаў.
Дарэчы, вось вам яшчэ адзін факт пра дадзенага выканаўцу, пра якога, вы да сённяшняга дня, магчыма, і не чулі. Дзмітрый Расулаў часам бывае ў кампаніі непрызнанага кіраўніка НАК Беларусі Віктара Лукашэнкі.
Ідэалагічна дапушчальныя песні таксама былі.
Дарэчы, Беларусь 5 абяцае паказаць трансляцыю гэтага шоу самалюбавання ўжо на днях.
