Прэзідэнт НАК Украіны Гутцайт: «Па словах прэзідэнта Міжнароднай федэрацыі коннага спорту, яны і далей будуць падтрымліваць нас у барацьбе за спорт без прадстаўнікоў краін-агрэсарак»
Міністр моладзі і спорту Украіны, прэзідэнт НАК Вадзім Гутцайт расказаў пра размову з прэзідэнтам Міжнароднай федэрацыі коннага спорту (FEI) Інгмарам Дэ Восам.
«Сёння меў магчымасць разам з прэзідэнтам Усеўкраінскай федэрацыі коннага спорту Андрэем Мілаванавым пагутарыць з прэзідэнтам Міжнароднай федэрацыі коннага спорту (FEI) Інгмарам Дэ Восам.
Нягледзячы на новыя рэкамендацыі МАК, гэтая федэрацыя пакінула ў сіле раней прынятае рашэнне пра забарону для расійскіх і беларускіх спартсменаў, афіцыйных асобаў на ўдзел у міжнародных мерапрыемствах.
Паводле слоў прэзідэнта FEI, яны і надалей будуць падтрымліваць нас у нашай барацьбе за спорт без прадстаўнікоў краін-агрэсарак, пакуль працягваецца расійская агрэсія супраць Украіны. За што ім асаблівая падзяка, – паведаміў Гутцайт.
