В. а. старшыні БФФ Сакалоўскі: «Узровень канкурэнцыі спаборніцтваў у Расіі вышэйшы, чым на многіх міжнародных стартах»
Выконваючы абавязкі старшыні Беларускай федэрацыі фехтавання Віталь Сакалоўскі расказаў пра перспектывы вяртання беларусаў на міжнародныя турніры.
– Беларусь атрымала допуск да міжнародных спаборніцтваў. Якія яго ўмовы?
– Мы атрымалі спісы дапушчаных у нейтральным статусе спартсменаў. На жаль, у гэтыя спісы патрапілі не ўсе беларусы. Асоба, вядома, нас хвалюе тое, што, ёсць лідары нацыянальнай каманды, якія паказвалі на расійскіх спаборніцтвах добрыя вынікі, і, на жаль, яны не дапушчаныя. Таму пакуль мы з асцярожнасцю глядзім на міжнародны каляндар, таму што ёсць шмат нюансаў, пачынаючы ад арганізацыйных, заканчваючы візавымі і астатнімі момантамі.
На жаль, вельмі шмат складанасцяў па ўдзеле ў міжнародных стартах. Але балазе на тэрыторыі Расійскай Федэрацыі шмат спаборніцтваў праходзіць. Практычна можна замясціць каляндар міжнародных стартаў спаборніцтвамі на тэрыторыі Расіі і Беларусі. Узровень канкурэнцыі там часам нават вышэйшы, чым на многіх міжнародных стартах. Тым не менш мы будзем глядзець, будзем рабіць так, як лепш у першую чаргу для нашых спартсменаў і трэнераў, каб яны адчувалі рытм спаборніцкі, каб усё было на карысць іх росту і развіцця.
– У прыватнасці, хто не трапіў у спіс і якія бліжэйшыя міжнародныя старты можна разглядаць для ўдзелу?
– Прозвішчы не хацелася б называць. Магу сказаць, што ёсць лідары, ёсць спартоўцы, якія на сённяшні дзень у нацыянальнай камандзе выступаюць. Таму паглядзім. Можа быць іх і дапусцяць з часам, бо гэтыя спісы вельмі дазавана паступаюць нам. Магчыма, так, што я скажу сёння адны прозвішчы, а заўтра яны ўжо будуць дапушчаны. Таму паглядзім, як гэта будзе на практыцы. Што ж тычыцца алімпійскага адбору, то як ужо казаў прэзідэнт Расійскай Федэрацыі фехтавання Ільгар Мамедаў... Калі ўжо ён заявіў, што расійскія спартсмены страцілі магчымасць атрымаць рэйтынгавыя ачкі, неабходныя да алімпійскіх гульняў, то я думаю, што і мы, беларусы таксама можам у прынцыпе агучыць, што на жаль па рэйтынгу нашы спартоўцы на алімпійскія гульні патрапіць ужо не змогуць. Бо не былі дапушчаныя да большай колькасці этапаў Кубка свету, не былі дапушчаныя да чэмпіянату Еўропы і не было магчымасці прыняць удзел у чэмпіянаце свету. Асноўныя старты прапушчаны, – сказаў Сакалоўскі.
Нагадаем, у адказ на вайну, якая з 24 лютага 2022-га працягваецца Расіяй ва Украіне з выкарыстаннем тэрыторыі Беларусі, МАК 28 лютага 2022-га апублікаваў рэкамендацыю адхіліць прадстаўнікоў Расіі і Беларусі ад міжнародных спаборніцтваў, як i зрабiла большасць сусветных федэрацый па відах спорту.
28 сакавіка 2023-га МАК абвясцiў, што з гэтага моманту рэкамендуе дапускаць да міжнародных спаборніцтваў беларускіх і расійскіх індывідуальных атлетаў у нейтральным статусе, калі такія спартсмены не дапускалі «актыўнай падтрымкі» вайны ва Украіне, а таксама не маюць кантракта з ваеннымі або сілавымі ведамствамі Беларусі ці Расіі.
