Расійскі агент Сялюк: «Толькі поўная адмена ліміту на легіянераў прывядзе да перамог беларускі футбол! Інакш так і будуць вылятаць у першым раундзе ў Еўропе»
Расійскі футбольны агент Дзмітры Сялюк раскрытыкаваў ліміт на легіянераў у беларускім футболе.
«Калі ў многіх краінах, у той жа Расіі, Казахстане, ідзе справа да пашырэння ліміту на легіянераў, то ў Беларусі наадварот, яго жорсткасць ўзмацняюць.
Яшчэ 5-10 гадоў таму і футбола таго ў Казахстане не было, зборная Беларусі была мацнейшай і не ўспрымала іх за сапернікаў! Што мы бачым зараз? На якім месцы Беларусь і на якім Казахстан? Яны ж былі ў адной групе!
Затым пытаюцца: а дзе вынікі на міжнароднай арэне? Дык з чаго ім быць? Чаго яны гэтымі лімітамі дабіваюцца? Гэта ж прамое забойства футбола!
Возьмем, да прыкладу, малдоўскі «Шэрыф». Яны «Рэал» на «Санцьяга Бэрнабэу» абыгрывалі. Прыбралі ўсе ліміты, выйшлі ў групу Лігі чэмпіёнаў і зарабілі дваццаць пяць мільёнаў еўра! Футбол – гэта не толькі гульня, у першую чаргу гэта бізнес! Клубы павінны зарабляць, паступова адыходзіць ад дзяржаўнай падтрымкі. Зараз яе прыбяры, і ў Беларусі ніводнага клуба не застанецца! Толькі поўная адмена ліміту і канкурэнцыя прывядзе да перамог беларускі футбол! У адваротным выпадку так і будуць вылятаць у першым раўндзе [квалiфiкацыi еўракубкаў]», – заявіў Сялюк.
