Вадзім Скрыпчанка: «Спадзяюся, што ў мiнскага «Дынама» будзе магчымасць выступіць сёлета ў еўракубках»
Галоўны трэнер мінскага «Дынама» Вадзім Скрыпчанка расказаў пра падрыхтоўку да сезона.
– Галоўная задача – нарошчваць тэмп, павялічваць аб'ём працы, завяршыць селекцыю, каб было дакладнае ўяўленне пра тое, каго будзем рыхтаваць да сезону і хто будзе вырашаць задачы каманды. Дадатныя ўражанні ад зносін з камандай. Галоўнае надаць добры імпульс калектыву, каб кожная трэніроўка прыносіла радасць заняткаў.
– Калі прапанавалі ўзначаліць каманду, вы доўга разважалі?
– Склалася так, што сёння мае амбіцыі адпавядаюць амбіцыям мінскага «Дынама». Таму наша асноўная задача – умацаваць гэтыя амбіцыі за кошт добрага калектыву і плённай працы. Нашы балельшчыкі заслугоўваюць лепшага выніку, чым мы маем.
– Напэўна, хацелася б згуляць у еўракубках, але, напэўна, не атрымаецца.
– Я так катэгарычна не казаў бы. У нас застаецца шанц. Спадзяюся, што розыгрыш Кубка Беларусі складзецца такім чынам, што нам дасць магчымасць выступіць сёлета ў еўракубках, – сказаў Скрыпчанка.
У мінулым сезоне каманда заняла чацвёртае месца ў вышэйшай лізе. Яна атрымае пуцёўку ў 1-ы адборачны раунд Лігі канферэнцый, калі Кубак Беларусі-2022/23 выйграюць салігорскі «Шахцёр» ці БАТЭ.
