Кандрацьеў – Туміловічу: «Вы ж у зборнай Беларусi вышэй за чацвёртае месца таксама не паднімаліся. Вы гулялі яшчэ горш, чым гэтыя зараз гуляюць»
Галоўны трэнер зборнай Беларусі Георгій Кандрацьеў уступіў у завочную пікіроўку з экс-галкіперам мінскага «Дынама» Генадзем Туміловічам.
– З падмурка ўсё ідзе. Значыць, мы там унізе нешта не так робім. Гэта 30 год, як мы сталі асобнай краінай.
Цяпер чытаў Гену Туміловіча: вось тое, тое, тое зараз дрэнна. Пачакай, Гена. Я ўзяў кніжку, дзе зборнай усе гульні. У нас у групе – Латвія, Эстонія, Беларусь. У часы Гены Туміловіча. Якое месца мы занялі? Шостае месца. Там Швецыя вышэй, Шатландыя. У часы Гены. 1995-ы, 1996-ы, па-мойму, год (у 1996-97 гадах зборная сапраўды стала шостай у групе са згаданымі камандамі і Аўстрыяй у адборы да ЧС-1998, аднак Туміловіч у тым цыкле не гуляў за каманду – Tribuna.com).
Шостае месца. А яны пішуць, што зараз няма зборнай. Ды яе ніколі і не было. Мы заўсёды займалі чацвёртае-шостае – нашы месцы. [Пры Малафееве] трэцяе [месца] – з першага кошыка, пашанцавала, нарвежцы трапіліся. Яны правалілі адбор, сталі чацвёртымі. Адзін раз мы трэцяе месца занялі.
У мяне пытанне да крытыкаў. Я не супраць крытыкі. Але вы паглядзіце, як вы гулялі, вы, футбалісты былыя. Вы ж вышэй за чацвёртае месца таксама не паднімаліся. А ў Аўстрыі як гулялі, ##### [блін]? 0:5 аўстрыйцам (у адборы да Еўра-2004 – Tribuna.com), дзе не было моцнай зборнай. Гэтае ж пакаленне Гены. 0:5, занялі апошняе месца ў групе. Ну што зараз казаць, хлопцы? Навошта вы гэта робіце? Вы гулялі яшчэ горш, чым гэтыя зараз гуляюць. Добра б, выходзілі кудысьці, я б [крытыку] зразумеў. Але вы гэтак жа гулялі, як гэтыя, такія ж месцы займалі. Андоры прайгравалі, Кіпру.
Дзіцячы футбол – там праблема. Не мяняецца 30 гадоў нічога. Вось зараз кажуць, што ў нас шмат талентаў. Хто? Я не бачу талентаў. Лісаковіч? Дзе ён гуляе? У першай лізе ў Расіі, – сказаў Кандрацьеў.
