Альшэўскі пра другі гол «Дынама»: «Там памыліўся суддзя. У Кудраўца асноўная задача – прайсці недахопы з паднятай галавой»
Галоўны трэнер БАТЭ Кірыл Альшэўскі пракаментаваў другі прапушчаны гол ад «Дынама», а таксама падзяліўся меркаваннем пра гульню Андрэя Кудраўца.
Можна трактаваць тыя ці іншыя эпізоды па-рознаму. Калі бакавы суддзя не бачыць, што мяч выйшаў, прычым не на ледзь-ледзь, і пасля гэтага ён крыўдзіцца на мае словы... чалавек, які ўплывае на лёс іншых людзей, павінен неяк мужней гэта прымаць. А так як іх гэта пакрыўдзіла, яны пакрыўдзілі нас.
– Што скажаце па другім прапушчаным голе?
– Акрамя таго, што там памыліўся суддзя, вядома, гэта яшчэ і наша памылка. Тут пытанняў няма. Усё роўна той момант не павінен быў прыводзіць да забітага мяча.
– Для Андрэя [Кудраўца] гэта было нехарактэрна па мінулым сезоне. Там адзін-два ляпы ў Кубку, у фінале з «Гомелем», а так па сезоне добра адыграў. А тут ужо трэцюю гульню запар ёсць пытанні.
– Калі ты становішся найлепшым брамнікам краіны, тым больш ты малады хлопец, то самы цяжкі год – якраз наступны. І тут асноўная задача ў тым, каб гэтыя недахопы ён прайшоў з паднятай галавой, зрабіўшы высновы з тых ці іншых памылак. І тады ён вырасце ў па-сапраўднаму якаснага галкіпера, – сказаў Альшэўскі.
