Яромка пра адсутнасць журналістаў на сваёй прэс-канферэнцыі: «Калі да футбола такая цікавасць, што мне каментаваць?»
Галоўны трэнер «Мінска» Сяргей Яромка пасля прайгранага матчу з брэсцкім «Дынама» (0:1) выказаўся пра колькасць журналістаў на прэс-канферэнцыі.
«Калі тут сабралася так шмат журналістаў, то я буду кароткі і лаканічны.
Крыўдна па такой гульні прайграваць. Але апраўдвацца мы не будзем тут. Прайгралі – значыць, прайгралі. Робім высновы, ідзем далей. Дзякуй.
Калі да футбола такая цікавасць, знаходзяцца 3 прадстаўнікі «Мінска» і адзін прадстаўнік «Дынама» Брэст, дык што мне каментаваць?
Ты быў у распранальні (Яромка звяртаецца да супрацоўніка «Мінска» – Tribuna.com), чуў маю палымяную прамову. Трэба было прыйсці туды, выклалі б у прэсу і ўсё было б цудоўна. Мне прынцыпова зараз з камандай пагаварыць. Часам трэба і банальна так адказваць», – сказаў Яромка.
Адзначым, што Яромка даў разгорнуты каментар па гульні, сказаўшы: «Раз ужо прэс-служба »Мінска« просіць мяне, то я пракаментую». З ім можна азнаёміцца па спасылцы ніжэй.
