«Шахцёр» абвінавачваюць у спробе арганізаваць дамоўны матч са «Слуцкам» у 29-м туры ЧБ-2022
На беларускай дзяржТБ абвясцілі нібыта футбаліста «Шахцёра» па справе аб дамоўных матчах.
Салігорскі клуб абвінавачваюць у спробе арганізаваць дамоўны матч са «Слуцкам» у 29-м туры чэмпіянату Беларусі-2022, які завяршыўся з лікам 1:0.
– За некалькі дзён да гульні нашага клуба са «Слуцкам» да мяне падышоў прадстаўнік «Шахцёра» і спытаў, ці ёсць у мяне знаёмыя ў «Слуцку», якія зробяць тое, што ім скажуць, – згуляюць дамоўны матч. Я на гэта сказаў, што знаёмыя ёсць, але такія тэмы я ні з кім абмяркоўваць не буду, – гаворыцца ў паказаннях.
Нагадаем, 11 траўня КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
