УАФ звярнулася ва УЕФА і ФІФА з просьбай адрэагаваць на незаконнае ўключэнне «Севастопаля» і «Рубіна» з Ялты ў чэмпіянат Расіі

Украінская асацыяцыя футбола звярнулася ва УЕФА і ФІФА з афіцыйным лістом наконт удзелу «Севастопаля» і «Рубіна» з Ялты ў чэмпіянаце Расіі.

«Мы ўжо некалькі разоў звярталіся ў ФІФА і УЕФА наконт спроб кіраўніцтва расійскага футбола ўключыць украінскія клубы для ўдзелу ў расійскіх унутраных чэмпіянатах. Звяртаемся да вас зноў наконт гэтага пытання з просьбай разгледзець і прыняць меры па ўстараненню яшчэ аднаго парушэння Расіяй усіх існуючых правіл і норм.

У нашых афіцыйных лістах №635 ад 01.07.2023 і №741 ад 22.06.2023 мы звярнулі вашу ўвагу на інфармацыю з адкрытых крыніц пра тое, што ФК «Севастопаль» і ФК «Рубін» Ялта з часова акупаванага Крыма атрымалі сертыфікаты на ўдзел у другой лізе Расіі (трэці нацыянальны дывізіён). Дазвол на правядзенне такога дзеяння фактычна дэманструе грэбаванне да пазіцыі і папярэднім рашэнням ФІФА і УЕФА (у 2014 годзе УЕФА надаў Крыму асаблівы статус).

Нягледзячы на шматлікія звароты УАФ у ФІФА і УЕФА на гэты конт, 16.07.2023 ФК «Севастопаль» і ФК «Рубін Ялта» правялі свае першыя матчы ў другім расійскім дывізіёне. Мы расцэньваем такія дзеянні, як грубае парушэнне статутаў ФІФА і УЕФА і рашэнне УЕФА па асаблівым статусе крымскага футбола. У святле вышэйзгаданага УАФ зноў звяртаецца ў ФІФА і УЕФА з просьбай разгледзець магчымасць выключэння РФС з сяброўства ў ФІФА і УЕФА з-за даказанай неадпаведнасці патрабаванням статутаў кіруючых органаў свету і Еўропы і каштоўнасцям сусветнай футбольнай сям'і», – гаворыцца ў лісце УАФ.

Адзначым, што ў ФІФА і УЕФА пакуль ніяк не пракаментавалі ліст УАФ, а таксама звароты журналістаў на гэтую тэму.