Кавалевіч пасля 2:0 над «Бальцанам»: «Гульцы вып'юць піва, мабыць. І далей у бой. У «Нёмана» ўсё па плане»

Галоўны трэнер «Нёмана» Ігар Кавалевіч падзяліўся меркаваннем аб матчы з «Бальцанам» (2:0) у першай гульні другога раўнда кваліфікацыі Лігі канферэнцый.

– Важная для нас перамога. Мы зрабілі толькі паўкроку на шляху да нашай мэты, расслабляцца няма часу.

Хлопцы малайцы. Першы тайм не атрымаўся. Былі нейкія тактычныя перастановы. У першым тайме трошкі клапатліва гулялі. Тое, што хацелі, не атрымалася. Але ў распранальні правільна разабраліся і давялі ўсё да лагічнага завяршэння, не далi суперніку стварыць нейкіх сур'ёзных момантаў.

Адзінае, што ў іх было, гэта, вядома, сур'ёзная каманда ў плане антрапаметрычных дадзеных. Мы гэтага баяліся. А так у цэлым па гульні, у другім тайме асабліва, нядрэнна, хаця і ў першым былі моманты, таму рухаемся далей.

Дзякуй венгерскай зямлі! Мы жадаем сюды яшчэ вярнуцца. Дзякуй за цёплы прыём усім шчырым аўзятарам, якія за нас перажывалі. Мы ведаем, што шмат хто за нас заўзеў. Дзякуй кіраўніцтву горада, якое аператыўна вырашыла ўсе пытанні па нашым далейшым знаходжанні.

Падтрымка каманды адчувалася з боку аблвыканкама, гарвыканкама і простых людзей.

Мы гралі для заўзятараў, для гледачоў, для Беларусі. Рабяты аддалі ўсе сілы. Так, як і мусілі згуляць.

Гульня ў адказ будзе цяжэй. Думаю, мы занясем змены ў тактычны план. Будзем змагацца за выхад у наступную стадыю.

Можа, супернік не дазваляў. Трэба было паскорыць перадачу, асабліва хаваць флангі. Супернік паспяваў перабудоўвацца. Пачаць гульню так, як у другім тайме, не ўдалося.

Імкнуліся вертыкальна перадачу вельмі хутка рабіць. Трэба больш кантролю мяча і спакою. Але ў нас не такі вялікі досвед у еўракубках.

28 ліпеня ляцім, таму 27 ліпеня будзе трэніроўка ў 11 гадзін раніцы, басейн, аднаўленчыя мерапрыемствы. Сёння вып'юць піва, мабыць. І далей у бой. У нас усё па плане, – сказаў Кавалевіч.