«ПСЖ» купіць Дэмбеле ў «Барселоны» за 50 млн еўра – палову сумы атрымаюць Усман і агент

Вінгер «Барселоны» Усман Дэмбеле набліжаецца да пераходу ў «ПСЖ», паведамляе Diario Sport.

Парыжане заплацяць за трансфер 50 млн еўра, але каталонцы атрымаюць толькі 50% ад гэтай сумы – астатнія 25 млн атрымаюць футбаліст і яго агент. Так здарыцца, таму што ў 2022 годзе «Барселона» не змагла заплаціць Дэмбелу бонус за лаяльнасць, таму дамовіліся, што гулец з агентам атрымаюць 50% ад наступнага пераходу.

Была інфармацыя, што Дэмбеле вырашыў перайсці ў «ПСЖ» з-за таго, што «Барселона» прапаноўвала ўключыць яго ў дамову па Кіліяне Мбапэ.

Усман гуляе за «Барселону» з лета 2017 года, калі яго набылі ў «Барусіі» Дортмунд за 135 млн еўра. У мінулым сезоне ён правёў 35 матчаў, забіў 8 галоў і зрабіў 9 асістаў. Статыстыка 26-гадовага французскага правага вінгера тут.