Храпкоўскі аб 1:3 з «Арсеналам»: «Дай Бог, каб гэтая параза была апошняй»

Галоўны трэнер «Маладзечна-2018» Аляксандр Храпкоўскі пракаментаваў паражэнне ў матчы 17-га тура першай лігі з «Арсеналам» (1:3). - Да чаго рыхтаваліся, на што настройвалі рабят - то і атрымалася. Мы вывучылі, як грае «Арсенал». Маё меркаванне: мы нічога саперніку не далі стварыць, акрамя тых момантаў, якія яны пераўтварылі ў галы. Два «стандарты» - пенальці і штрафны, ну і выхад «адзін у нуль», калі мы пайшлі адыгрывацца. Па гульні, лічу, мы не саступілі. Але па ліку, а гэта галоўнае, саступілі. Будзем рухацца далей. Ёсць да чаго імкнуцца. Мне незразумелы першы тайм у нашым выкананні: нібыта спалохаліся. Каго мы баімся? Дома мы не павінны нікога баяцца, павінны гуляць у свой футбол. Перавярнулі гэтую старонку. Першае кола скончана, рухаемся ў другі. Думаю, усё ў нас атрымаецца. Дай Бог, каб гэтая параза была апошняй. - Заўзятары не ацанілі дзеянні суддзі. Што скажаце на гэты конт? - [Пяняць на суддзяў -] гэта доля слабых. Як ён умее, так і судзіць. Трэба глядзець моманты. Мне падалося, што было парушэнне на Монічы, калі нам забівалі трэці гол. І тут свіснуў, зафіксаваўшы гульню рукой. Што нам застаецца? Працаваць і не даводзіць да гэтага, - сказаў Храпкоўскі.