Энрыке – журналісту пасля перамогі «ПСЖ» над «Рэнам»: «Бачыце толькі негатыў, вы едкія»
У галоўнага трэнера «ПСЖ» Луіса Энрыке была рэзкая размова з журналістам пасля перамогі над «Рэнам» (3:1) у Лізе 1.
«Яшчэ не бачыў матча, калі быў цалкам задаволены нашай гульнёй. Але нашае стаўленне было добрым», – пачаў Энрыке.
Пасля гэтага журналіст спытаўся пра дэталі, якія трэба палепшыць камандзе.
«Вы бачыце толькі негатыў. Вы едкія. Усе інтэрв'ю – самыя негатыўныя рэчы ў свеце футбола. Аднойчы мы выйгралі з лікам 4:1, а журналіст сказаў мне, што мы заслугоўваем паражэнне.
Першыя 25 хвілін, па-мойму, «Рэн» быў лепшы за нас. Нам трэба было палепшыць сваю гульню, інакш матч мог стаць складаней», – сказаў Энрыке.
Далей журналіст папрасіў Луіса растлумачыць дэталі, якія неабходна ўдасканаліць, каб іх зразумела маладая аўдыторыя.
«Моладзь усё разумее, думаю, што гэта вы нічога не разумееце. Вось што я думаю пра пытанні, якія вы мне задаяце», – сказаў Энрыке і ў раздражнёным стане пакінуў пасляматчавую флэш-зону.
