Суд ЕС вынесе рашэнне па справе Суперлігі супраць УЕФА 21 снежня

Вышэйшы суд Еўрапейскага саюза 21 снежня павінен прыняць рашэнне па справе пра манаполію УЕФА, на якую паскардзіліся «Рэал», «Барселона» і кампанія А22, якая займаецца развіццём праекта Суперлігі.

Гэтая справа была перададзена ў Суд Еўрапейскага Саюза судом Мадрыда. Прыхільнікі Суперлігі лічаць, што УЕФА валодае незаконнай манаполіяй у еўрапейскім футболе і настойваюць на аддзяленні Суперлігі.

УЕФА адмаўляе абвінавачанні ў манаполіі і стаіць на пазіцыі таго, што мае права прымаць жорсткія меры для абароны сваіх існуючых турніраў, не парушаючы заканадаўства ЕС пра канкурэнцыю.

Нагадаем, у красавіку 2021 года пра стварэнне Суперлігі абвясцілі 12 клубаў: «Манчэстэр Юнайтэд», «Манчэстэр Сіці», «Ліверпуль», «Арсенал», «Чэлсі», «Тотэнхэм», «Рэал», «Барселона», «Атлетыка», «Ювентус», «Інтэр» і «Мілан».

Большасць клубаў амаль адразу адмовіліся ад ідэі з-за негатыўнай рэакцыі УЕФА. Апошнім клубам, які пачаў працэдуру выхаду з Суперлігі, быў «Ювентус». У выпадку выхаду турынскага клуба ў праекце застануцца толькі «Рэал» і «Барселона».