Месі і Дзi Марыя хочуць згуляць за зборную Аргенціны на Алімпійскіх гульнях

Месі і Дзi Марыя хочуць згуляць за зборную Аргенціны на Алімпійскіх гульнях

Ліянэль Месі і Анхель Дзi Марыя хочуць згуляць за зборную Аргентыны на Алімпійскіх гульнях у Парыжы, паведамляе DSports.

Цяпер каманда яшчэ не гарантавала сабе ўдзел у футбольным турніры, але абодва гульцы выказалі сваё жаданне згуляць на ім, калі Аргенціна туды праб'ецца.

Апошні раз абодва гулялі за алімпійскую зборную Аргентыны ў 2008-м – на Алімпіядзе ў Пекіне – тады «альбіселесце» выйгралі залатыя медалі, адолеўшы ў фінале Нігерыю (1:0). Пераможны мяч забіў Дзi Марыя.

Амерыканская алімпійская кваліфікацыя стартуе ўжо сёння, 20 студзеня і скончыцца 11 лютага.

Аргенціна патрапіла ў групу B, дзе згуляе супраць Уругвая, Чылі, Парагвая і Перу.

У фінальную частку кваліфікацыі выйдуць па 2 лепшыя каманды з кожнай групы, якія згуляюць паміж сабой яшчэ адзін групавы раўнд на 4 каманды – 2 найлепшыя паедуць на Алімпіяду.

Нагадаем, на алімпійскі футбольны турнір ужо кваліфікаваліся: Украіна, Францыя, ЗША, Дамініканская Рэспубліка, Іспанія, Ізраіль, Марока, Егіпет, Малі і Новая Зеландыя.