Навічок «Славіі» Чыж: «Быў адкрыты для новых прапаноў, адштурхоўваўся больш ад персоны трэнера, які запросіць»
Навічок «Славіі» Аляксандр Чыж пракаментаваў свой пераход у мазырскі клуб.
– У адным з нядаўніх інтэрв'ю вы распавядалі, што Іван Біёнчык і раней вас клікаў у свае каманды. Чаму вырашылі менавіта цяпер далучыцца?
– Скажам так, вырашыў з трэнерскім штабам «Тарпеда». Пагаварылі летась, вырашылі разысціся. Так як я быў адкрыты для новых прапаноў, адштурхоўваўся больш ад персоны трэнера, які запросіць да сябе. Першая прапанова была ад Івана Сяргеевіча, паступалі і ад іншых клубаў. Але мне цікавы гэты трэнер. Тая гульня, якую ён ставіў у сваіх мінулых камандах, мне падабалася. Вось і вырашыў папрацаваць з ім у гэтым годзе.
– Як думаеце, чым «Славія» узору гэтага года можа перасягнуць леташнюю?
– Мне цяжка каментаваць. Леташнія спарынгі супраць «Славіі», калі я яшчэ выступаў за «Тарпеда», былі аднымі з самых цяжкіх у плане фізікі, псіхалогіі. Кажу за сябе: мне было складана супраць таго Мазыра. У гэтым сезоне яшчэ дадамо.
– Не было сумневаў нават пасля размовы з трэнерскім штабам жодзінцаў, каб усё ж такі застацца? Усё ж такі каманду чакаюць еўракубкі.
– Ды не, нармальна да гэтага стаўлюся. Мая асабістая ініцыятыва была пайсці далей. Мірна разышліся, няма ніякага негатыву, крыўд. Засталіся ў сяброўскіх адносінах.
– Некаторыя хлопцы ў цяперашняе міжсезонне прайшлі з Жодзіна ў Мазыр, хтосьці з Мазыра ў Жодзіна. Як вам такое ўзаемадзеянне клубаў?
– Звычайная практыка ў нас: хтосьці прыходзіць, хтосьці сыходзіць. Таму тут класіка, як той казаў, – сказаў Чыж.
