Філіп Вайцяховіч: «У «Вярнаму» мне працягнулі кантракт на некалькі месяцаў, каб я мог аднаўляцца пасля траўмы»
Беларускі галкіпер Філіп Вайцяховіч распавёў пра сыход са шведскага «Вярнаму».
– На сайце «Вярнаму» вы ўсё яшчэ ўважаецеся ў складзе, не было і навіны з удзячнасцю і пажаданнем поспеху ў далейшым. Які статус у вас?
– Афіцыйна я ў камандзе да 15 сакавіка. Але гэта проста чыста тэхнічны момант, мне працягнулі кантракт на некалькі месяцаў, каб я мог спакойна аднаўляцца пасля траўмы.
– Колькі часу вы ўжо лечыцеся?
– Аперацыю зрабіў у кастрычніку. А траўму атрымаў проста на трэніроўцы. Нага дзесьці засела ў траве, а я спрабаваў бегчы далей – у выніку, меніск разарваўся на некалькі частак. Вельмі распаўсюджаная для футбалістаў траўма. Аднаўляюся дагэтуль. Калі б меніск проста выдалілі, было б хутчэй – ужо праз некалькі тыдняў мог бы пачаць трэніравацца. Але яго вырашылі захаваць, змацавалі назад, таму ўвесь працэс займае значна больш часу.
– Як наогул складваўся мінулы сезон? Вы ж пачыналі яго асноўным галкіперам, потым месца ў варотах страцілі, потым вярнулі і зноў страцілі…
– Так, спачатку быў няўдалы матч з «Норчэпінгам», у якім я зрабіў відавочныя памылкі, і таму мяне, мабыць, прыбралі. Потым нешта падобнае адбылося і ў матчы з «Мальмё», у якім я прапусціў вельмі недарэчны гол. У прынцыпе, трэнер нам дваім, мне і Юнатану Рашыду, адразу сказаў, што кожны з нас будзе гуляць да першага няўдалага матчу, потым нас будуць мяняць. А пасля траўмы я, зразумелая справа, ужо і не мог канкураваць. Тым больш Рашыд вельмі добра гуляў у канцы сезона і, у выніку, стаў па статыстыцы адным з найлепшых брамнікаў чэмпіянату, – распавёў Вайцяховіч.
